Жаңаөзенде жас босанған әйел көз жұмды
Қайтыс болған 32 жастағы БиБи Куанованың анасы Айнагүл Қуанованың айтуынша, қызы 17 шілде күні жұмыс орнында ауырып қалған.
- Қызым жүктіліктің жетінші айында еді. Оның қызуы көтеріліп, денесі құрыса бастаған. Жұмыста оның әріптестері бірден жедел жәрдем шақырған. Алдымен Биби
жұқпалы аурулар ауруханасына жеткізілді, бірақ жүктілікке байланысты қалалық аурухананың гинекология бөліміне жіберілді. Қабылдау бөлмесінің фельдшерлері мен дәрігерлері оны ауруханаға бірден жатқыза алмады. Ауруханада лифт жұмыс істемеді,біз оны төртінші қабатқа өзіміз көтердік. Дәрігерлер қызымның өзі босану керектігін айтты, кесарь тілігін жасауды ұсынбады, - деді Айнагүл Қуанова.
Кезекші дәрігер баланың құрсағында қайтыс болғанын хабарлапты.
- Қызым шаршап, әлсіреп қалды, дұрыс дем ала алмай жатты. Мен оған оттегі маскасын беруді өтіндім, бірақ дәрігерлер оның қалай тағу керектігін де білмеді. Мен сол жерде дәрігерлерді шақырттым, бірдеңенің дұрыс емес екенін сездім. Неге дәрігерлер кесарь тілігін жасамады? Бұл мен үшін әлі де жұмбақ, - дейді қайтыс болған босанған әйелдің анасы.
Ауруханадан «Биби қайтыс болды. Баланы да құтқару мүмкін болмады» деген хабар бірнеше сағаттан кейін келген.
- Бұған дейін Биби түсік тастаған. Осы жолы сәбиін ерекше күтіп еді. Енді, міне, немқұрайлылық пен әрекетсіздіктің салдарынан үш кішкентай қыз анасыз қалды. Мен кезекші дәрігерді, фельдшерді сотқа беремін. Біздің келісімімізде алмай қызымның денесін Ақтау мәйітханасына апарғып, сараптама жүргізген, - дейді әйел.
Маңғыстау облысының Денсаулық сақтау басқармасы Жаңаөзен перзентханасында әйелдің қайтыс болғаны туралы ақпаратты растады. 32 жастағы әйелдің қайтыс болу себептерін арнайы комиссия анықтайды. Оқиға болған перзентханада қызметтік тексеру басталды.
Аударма авторы Нұргүл Бекболатқызы